多功能媽咪

多功能媽咪
更新時間:2021/06/16
係澳洲,無論你係咩角色嘅媽咪都好,相信都係一位多功能媽咪啦!節目會同聽眾分享多功能媽咪嘅開心事,辛酸史,仲有小貼士!

收音機旁邊嘅你,係咪一位全職媽咪?返工媽咪?準備做媽咪?無論係咩角色嘅媽咪都好,係澳洲,相信你都係一位多功能媽咪啦!Lindsay 同阿Kit 約定你,同你分享多功能媽咪嘅開心事,辛酸史,仲有小貼士!

 

 

集數
多功能媽咪 第四十九集
更新時間:15/06/2021
今集有我地既嘉賓Yvonne雖然冇小朋友,但會返教會帶小朋友,當佢地係自己既小朋友咁湊,從而大家可以分享下經驗同經歷!| Mummy tips: Yvonne都好鍾意睇IG紅人Lucy,但最主要係好欣賞佢媽媽既教法失敗咗再嚟過,當係佢既啦啦隊隊長咁為佢打氣!| Me time: Yvonne 最近愛上網上卡啦OK,可以隨時都大展歌喉🎤
詳情
多功能媽咪 第四十八集
更新時間:09/06/2021
濕疹係人都覺得煩,當小朋友濕疹發作又痕又瞓唔到,大人就喊咁口啦! | Mummy tips: Kit 天氣乾燥隻手好容易爆坼,可以試下用凡士林或者木瓜霜厚揸係手再用即棄手套包住10分鐘! 冬天小朋友係屋企唔鍾意著襪,Lindsay就發現係室內遊樂場買既防滑襪最好用,又保暖又防滑,小朋友仲覺得好好玩,可以好似蜘蛛俠咁爬牆! Me time: Lindsay最近發現有樣好好用既野,就係按摩槍,可以接到最攰既位置!
詳情
多功能媽咪 第四十七集
更新時間:02/06/2021
【束梅菜咁嘅布】毛巾唔好好清潔就會變病菌既溫床!|  Mummy tips:  Kit 建議第一次帶小朋友入戲院睇戲,最好入戲院前同小朋友講定入面既環境,一陣會突然好黑,因為就開始睇戲啦! 同抱住小朋友一齊睇比返個安全感佢地!| Me time: Lindsay最近就係 Netflix睇返套戲「Selena」,講一個西班牙歌手Selena成名既故事,以及她和家人在此過程中必須做出的犧牲。
詳情
多功能媽咪 第四十六集
更新時間:26/05/2021
【大城市小故事👉🏻當仔仔要擔任媽媽既角色】今集繼續有遠在香港既Victor同我地一齊傾下,其實當初點發現媽媽有腦退化症? 係咪真係好似睇戲咁,成日唔記得發生症咩事,所以先會察覺到有呢個病呢?| Mummy tips: Victor要照顧有病既老人家,有要抱起佢地既時候,盡量用自己身體貼近佢地既身體,咁就可以減輕對方既體重,避免扭傷!| Me time: Victor通常等到媽媽9點左右瞓左,就會做下自己鍾意做既野,睇下Netflix,做下Facial輕鬆下!
詳情
多功能媽咪 第四十五集
更新時間:19/05/2021
【大城市小故事👉🏻當仔仔要擔任媽媽既角色】今集請到遠在香港既Victor同我地一齊分享下,當仔仔要做媽媽既角色時,又會係點呢?| Mummy tips: Victor要照顧一個有病既媽媽,出街時其實同平時既媽媽一樣,會帶一個有齊清潔用品同乾淨衣服既媽媽袋出街!| Me time: Victor最愛既減壓方法就係買下衫呀!買下玩具呀!
詳情
多功能媽咪 第四十四集
更新時間:12/05/2021
【👂借咗聾耳陳隻耳🙉】細個時時阿媽都會話,我講乜你聽都唔到!你睇吓聾耳陳隻耳啊!🤣🤣🤣🤣🤣 但其實耳仔係唔可以亂去撩佢,好易發生意外就真係聽唔到野啦!| Mummy tips: Kit好鍾意食辣米線,所以上網搵左食譜試整,一解思鄉之情!| Lindsay 早餐想小朋友食多啲,所以將雞髀隔水蒸,令到雞油迫晒出嚟,攤凍將佢哋撕開一嚿嚿放入雪櫃,第二朝就可以蒸返熱做早餐! Me time: Lindsay 返工好大壓力,所以最近多左上網買下衫氹吓自己!
詳情
多功能媽咪 第四十三集
更新時間:05/05/2021
【書中自有黃金屋】原來悉尼好多好好玩既圖書館,今集同大家一齊分享,仲有Lindsay 介紹左個app 「Libby」可以免費網上聽書同睇書!| Mummy tips: Lindsay 發現次次買一條麵包都會食唔哂,所以每次都會將佢地分開幾塊包裝再放入冰箱,咁就可以防止發霉!| Kit 煮水餃/雲吞時成日都會煮到爛晒,水滾後放入水餃/雲吞,當水在滾起嘅時候再加入凍水,加入凍水後水在滾咁就完成啦!| Me time: Lindsay 因為返返工,所以有時會行下city 既唐人超市,買下平時小見既零食返屋企氹吓屋企人🥰!| Kit 因為太耐冇驗血,所以走左去驗血,但口多多話要驗下自己鼻敏感係關咩事,咁就冇冇比護士抽左4支血啦😅!
詳情
多功能媽咪 第四十二集
更新時間:29/04/2021
【你的名字】好多人都會話小朋友個名好重要架!古語都有講:唔怕生壞命,最怕改錯名!| Mummy tips: Lindsay 教大家用消毒酒精加香薰油(檸檬或者薄荷),噴係小昆蟲出沒嘅地方,就好有效趕走佢哋!| Me time: Kit最近睇左套韓劇「如蝶翩翩」,講一個老人家想學跳芭蕾舞既故事!| Lindsay 既同事好多時都會叫佢一齊Tea下啦!原來係去茶水間,大家沖杯飲品,一山齊吹下水咁!
詳情
多功能媽咪 第四十一集
更新時間:21/04/2021
【大城市小故事】今集繼續同我哋既主持Lindsay傾下,再次投入職場,屋企有什麼改變呢?| Mummy tips: 小朋友成日唔願意刷牙,Lindsay諗到個吸引小朋友既好方法,就係打開個櫃門有齊一個牌子既唔同味道既牙膏,比小朋友任意選擇!| Me time: Lindsay 最近係公司食lunch既時候會睇下劇集「正青春」,順便可以聽返啲國語!
詳情
多功能媽咪 第四十集
更新時間:15/04/2021
【大城市小故事】今集到我哋既主持Lindsay做主角啦!佢將會重新出發,再次投入職場為自己打拼!| Mummy tips: Lindsay教大家整焗薯,其實係參考Jamie Oliver既焗薯仔方法,但秘訣在於烚完薯仔後一定要滰乾水,再放係預先茶左油既焗盤上,再按食譜上既做法跟住焗就又脆又香嘅薯仔出爐!| Me time: Lindsay 雖然返左工,但可以專心工作都可以係一個好好既me time! | Kit有時一個人去flower market 買下花都係一件好開心既事!
詳情
多功能媽咪 第三十九集
更新時間:07/04/2021
【水腫, 骨痛, 樣樣痛😅】唉年紀有返咁上下就又骨痛又水腫,但係都好正常啦!🤣🤣🤣 | Mummy tips: Kit 同阿女睇中文漫畫書,可以借啲意比阿女睇多啲中文字!| Lindsay 臨瞓前用電髮夾,夾攣髮尾,第二朝再整一整就好似電完頭髮咁,又快又方便!| Me time: Lindsay 好想唱卡拉OK,所以有時聽歌時,教到好大聲一路跟住唱,好似以前去唱K咁🎤
詳情
多功能媽咪 第三十八集
更新時間:31/03/2021
又係時候請Lindsay 同我地講下故事啦!點解又關蛋事呢?原來係可以代表新生命既來臨! | Mummy tips: Lindsay 又介紹大家聽”Kinderling Kids Radio - Fun Fable”,可以當故事時間比小朋友聽下!| Me time: Kit 近期都睇下電視咁啦,睇到有個節目講「結婚/貨貸」都幾有趣!| Lindsay 都係睇電視喎,佢就睇左套”Madam CJ walker” 講一個黑人女士點樣,係美國打工都可以變百萬富翁既真人真事!
詳情
多功能媽咪 第三十七集
更新時間:25/03/2021
🎂生日派對....哈哈 (Ahhhhhh):小朋友當然期待生日會啦,而父母就會覺得好頭痛,但其實有時簡簡單單一個生日會小朋友就好開心同好滿足!| Mummy tips: Lindsay 小朋友既Fruit punch cup🍸,首先將海綿蛋糕放在底部,之後放切好粒粒既草莓,再將啫喱倒係面,凝固後係最上層撒上榛子碎就完成啦!| Me time: Lindsay 收到通知就嚟要考Australia citizenship 測驗,係時間背下書
詳情
多功能媽咪 第三十六集
更新時間:17/03/2021
多功能媽咪要玩好多車🛴🚲🛵 | 其實一有BB果刻父母就開始搵不同款既BB車,到小朋友學行識走時,又開始搵不同既車仔玩,真係無時無刻都係車🤣🤣| Mummy tips: Kit最近發現Facebook 有個叫’the dad lab‘ 既外國爸爸,有好多小實驗同小朋友一齊做,當然唔係好勁果D啦!係好日常既,可以同小朋友一齊玩!| Me time: Lindsay 終於睇到「香港愛情故事」,睇完之後就反思返自己唔好顧住搵食,而忽略咗屋企人既關係!
詳情
多功能媽咪 第三十五集
更新時間:10/03/2021
花王之王🌸:有人話識種花既人係一個好情人,因為對花都咁有愛,對身邊人都一樣會好有愛!| Mummy tips: Lindsay 仲好記得細個時睇過一本書,講關於種盆景樹(Bonsai tree 🌳),原來要好長時間先可以種到一棵好有意境既盆景樹,當中仲好多技巧要注意,過程中應該可以訓練到一個人既耐性!| Me time: Lindsay 最近睇左編文章,關於一個寡婦喺夜闌人靜時,一邊摺衫,一邊想起以前幫另一半摺衫既情景,但係而家得返自己一個!睇完呢編文章後,不禁令自己覺得依家就算有好多瑣碎嘅家務要做,都會覺得係一件好感恩既事!
詳情
多功能媽咪 第三十四集
更新時間:03/03/2021
【兩代同堂, 溝通方案】今集好開心,有岑太同我地一齊傾下兩代既溝通方式,當做人新抱既時候點樣同奶奶好好傾吓!到左自己做婆婆既時候,又學下點樣同自己個女去溝通,一齊去教好個孫!| Mummy tips: 因岑太個細女比較活潑,所以就諗到將生字寫係紙仔度,之後貼到成屋都有,再有姐姐提問,妹妹就去搵返出黎!從而媽媽有機會休息一下,兩個姊妹又可以增進吓感情!| Me time: 岑太同好多媽媽一樣,當做完一日野,終於可以攤喺個床度休息,但個腦仲未能夠停落嚟,就想碌吓個電話,當放鬆下心情先好好入睡!
詳情
多功能媽咪 第三十三集
更新時間:25/02/2021
【元宵佳節💞】又係Lindsay姨姨講故事時間,話比大家知咩叫元宵節!| Mummy tips: Lindsay 提議大家可以廢物利用,將舊既保溫瓶當作放濕器之用,因不想令到牆壁出現發霉既黑點!方法係先放熱水入保溫瓶再加幾滴精油,當然要放係房間較高同安全既位置,可以有短暫既放濕效果,但一定冇放濕器咁長時間運作啦!| Me time: Lindsay最近聽返一個舊節目「笑談廣東話」,同老公一齊笑下輕鬆下!
詳情
多功能媽咪 第三十二集
更新時間:17/02/2021
【好嘢話你知🧧】🧧新年流流,當然要同大家講下開心嘢啦!咁就講下有咩用過又好好用既,值得推介比大家參考下黎買既野。例如新手媽媽好多時都買左一大堆奶樽🍼,都唔知邊隻好用,或者係學行鞋仔,都會同各位一齊分享下!| Mummy tips: 今次Kit就問左老公有咩好tips介紹,佢建議大家唔好一次過買晒想整既野返屋企,好多時都放左一段時間先得閒整,到得閒又會唔記得放在係邊🤣🤣 | Lindsay 最近發現用‘大臣’幫忙吸大蜘蛛🕷️,又方便又快手,好過勁噴殺蟲水都殺唔死!| Me time: Kit都係諗唔到,所以又問下老公有咩開心me time啦!佢話每次一個人出去買外賣時都好開心,因為等外賣既時候,可以去行下超市,買下自己鍾意既零食開心下!
詳情
多功能媽咪 第三十一集
更新時間:10/02/2021
【🍊農曆新年啦🍊】🧧新年就到啦!一齊聽下Lindsay姨姨講故事時間啦,了解一下12生肖係點嚟既,仲有可以講下比小朋友知傳統既農曆新年習俗,就算唔係係亞洲生活,都可以知道下咩叫農曆新年!| Mummy tips: Lindsay 教大家整快靚正既pizza 🍕,用flat bread做餅底,加茄汁同芝士再焗一陣就可以有脆脆pizza! | Me time: Lindsay 係Spotify 加左個「多功能媽咪」既歌目,將平時係節目播放嘅歌都會係入面搵到,可以比大家好容易聽返,希望比到各位聽眾小小精神支持!| Kit最近又愛上睇一套電視劇,就係「性愛自修室」,因為我未試過外國讀書,所以會留意下有關既青春劇,雖然未必會發生,亦唔想係現實發生,但當了解下青春期少年既心態同睇法都唔係一件壞事呀🤪! 🧧祝大家牛牛年進步啦!
詳情
多功能媽咪 第三十集
更新時間:04/02/2021
【我哋嘅小情人】情人節就到,雖然好似唔多關我地事,但都可以同我地個小情人慶祝下既,仲可以教佢地點樣去表達愛意,唔想講「我愛你」,可以直接抱抱都可以表達到愛意既!| Mummy tips: 最近Kit 睇到網上有人用三文治機,都可以做出快靚正燒飯團,將隔夜飯加雞蛋同粟米芝士,將所有材料攪勻,預熱三文治機後,將適當材料放入三文治機大約三至四分鐘左右,就完成燒飯團🍙!| Me time: Lindsay 最近愛上通淋巴機,每晚抽小小時間做,初初未習慣會好痛,但之後越痛就越想通,因為知道對身體好,所以會努力堅持每晚都做!
詳情
多功能媽咪 第二十九集
更新時間:27/01/2021
【大城小故事 】- 媽咪 妳好嘢! 因為我地兩個問題媽媽,實在太多野想問,所以要請Sally同我地一齊再傾多集,平時又要湊小朋友,仲要煮足三餐,都仲可以返工同做運動,到底點樣安排時間架呢! | Mummy tips: Sally教大家如何快速降溫方法,就係物理退燒穴位法,將濕毛巾放入冰箱,急凍5分鐘左右,再將濕毛巾敷在額頭、後尾枕、兩邊胳肋底、兩邊大髀內側,不停更換就可以做到降溫既效果!Sally一有時間就會做運動放鬆心情!
詳情
多功能媽咪 第二十八集
更新時間:20/01/2021
【大城小故事 - 媽咪 妳好嘢!】 今集好開心請到Sally同我地一齊傾下計,佢係一個繁忙媽媽,一家七口,一日三餐都係自己煮,仲要又靚又有營養既餐單!Sally仲要係一個好高EQ既媽媽,佢會教小朋友,發脾氣係 「本性」,唔發脾氣係「本事」,可以學下點去控制情緒!| Mummy tips: Sally平時會調教定計時器,確保敷面膜既時間不能超過15-20分!| Me time: Sally平時一有空餘時間就會自己做美容,可以好好享受皮膚變靚既過程!
詳情
多功能媽咪 第二十七集
更新時間:13/01/2021
【遊輪之旅 - you jump I jump🤣🤣】可以經歷不一樣的體驗,四邊環海,又點樣可以享受海上之旅呢!| Mummy tips: 天氣太熱Lindsay 小朋友點樣可以食到冰條,但又食得健康啲呢?就係用天然果汁製作冰條,又好味又健康!| 女人每個月都有個親戚搵下,但有時會出現經痛,咁可以試用幾塊薑加半塊片糖煲水(20分鐘左右),飲完可以減少痛楚!| Me time: Lindsay 最近鍾意搵下YouTube 入面,教人如何減手臂運動,一日做8-10分鐘同bye bye 肉講再見!
詳情
多功能媽咪 第二十六集
更新時間:06/01/2021
【歐洲之旅】由澳洲悉尼直航飛英國24小時機程大作戰 聽個名都驚一驚啦!Lindsay兩公婆仲要帶住兩個仔一齊飛,果然勁呀!原來倫敦都有好多適合小朋友去既地方,歌劇院啦、太空館啦、仲有好多當地既美食介紹比我地知!| Mummy tips: 小朋友半夜跳過不停,Lindsay 教大家用一片薑放係喉嚨上就可以舒緩咳嗽狀態,咁大家都有覺好瞓啦!| Me time: Kit有時座火車出City錄音,可以係車上好好享受片刻嘅寧靜!
詳情
多功能媽咪 第二十五集
更新時間:30/12/2020
【亞洲之旅 】雖然暫時無得飛,但都比大家參考下,等到有得飛果時就可以諗下去邊都好呀!3歲以下既小朋友家庭,可以去沖繩享受不一樣的陽光與海灘!4-6歲小朋友既家庭,可以選擇去東京KidZania 玩角色扮演,當然仲有最開心既東京廸士尼啦!7歲以上小朋友既家庭,可以考慮去大板既環球影城同浸下溫泉啦!當然仲有適合帶住BB都可以好好享受既香港之旅!| Mummy tips: Lindsay 教大家用微波爐整脆芝士 Kit 推薦快遞煮意粉 | Me time: Lindsay 以為係澳洲袋鼠會周街走,點知係無既,聽澳洲出名歌手既歌就有,所以平時都會聽下Kylie Minogue!
詳情
多功能媽咪 第二十四集
更新時間:23/12/2020
【去旅行 - Pack 野劈到頭都痛】做左媽媽先知帶小朋友去旅行,執行李🧳,其實最頭病,無論短途或者長途既旅行都一樣,好似帶左成頭家出去咁。| Mummy tips: Lindsay 推介大家試下買Flat bread整一個快靚正既早餐 Kit 暑假冇乜好做,同阿女係屋企整下公仔裙比公仔著 | Me time: Kit 聖誕節當然整下聖誕圈圈,掛係門口扮下外國人咁啦 | Lindsay 好享受包聖誕禮物既過程,仲會手寫Merry Christmas既祝福卡,比人感覺好溫暖。
詳情
多功能媽咪 第二十三集
更新時間:16/12/2020
【聖誕節又係咩黎】又係時候聽下故事啦,小朋友從而學習分享愛。| Mummy tips: Lindsay 平時湊小朋友好易會走光,所以著網球裙比較方便。Kit因暑期期間日日都要諗野比小朋友玩,所以提議我家小朋友每日用半小時左右睇書,從書中記錄有趣生字或字句,幫助日後既寫作。| Me time: Lindsay 小朋友開始大個,時時都唔可以獨享一杯飲品,所以去超市買完餸都會買返杯珍珠奶荼慢慢享受下。Kit 錯又錯著買左盒好香既按摩膏,沖澡時可以好好享受下!
詳情
多功能媽咪 第二十二集
更新時間:09/12/2020
【大城市小故事 之 『特殊媽咪』】 今集好開心請到Babor同我地分享下佢既故事。| Mummy tips: Babor分享佢對小朋友每個階段既提示比我地參考,第1個小tips - 2-5歲 剝雞蛋遊戲;第2個小tips - 小學既年紀 因小朋友唔食綠色食物,怕冇營養所以會補奶粉,當補充身體所需;第3個小tips - 青年階段 要當佢地係朋友方式傾談,唔可以下下都咁嚴肅,好似冇偈傾咁。| Me time: Babor最近既me time都係聽我地果節目。另外仲有最愛影相同執相,仲會定期印相集留為紀念。
詳情
多功能媽咪 第二十一集
更新時間:02/12/2020
【交打出個大頭佛】小朋友未必真係想打交,只係未懂得表達自己意思先會動手打人,所以我地都要了解發生左咩事先好去責罵小朋友,避免怪錯好人!| Mummy tips: Lindsay 介紹迷你podcast比小朋友聽。有Daytime Explorers 同 Bedtime Explorers。日夜都啱聽。| Me time: Lindsay 聖誕節就到啦,所以好多online shopping 都大減價,又係時候氹下自己,因為有好多聖誕禮盒係又平又靚,又有野送!Kit 最近睇返香港劇集,發現有套新戲叫 (暖男爸爸),故事講位爸爸突然失去左個老婆,又要自己獨自湊個幾歲既小朋友,突如其來要面對生活一切!
詳情
多功能媽咪 第二十集
更新時間:25/11/2020
【大城市小故事II】今集好開心請到Auntie Connie同我地一齊分享下,兩公婆分隔兩地,但大家關係都可以維繫得咁好!| Mummy tips: Auntie Connie從小就教小朋友珍惜玩具,從而影響到佢地長大成人後,會懂得珍惜人同事!| Me time: Auntie Connie最鍾意既me time就係享受歌曲入面既意思,感受歌詞中既意思,令到自己可以放鬆情緒!
詳情
多功能媽咪 第十九集
更新時間:18/11/2020
【大城市小故事】過左既11月11日大家係咪以為只得上網購物優惠呢!當然唔係啦,其實係去紀念所有喺世界大戰當中,失去性命既人!由細開始關心社會歷史,從而尊重長者經歷,尊重我哋社區嘅歷史,小朋友先至識得珍惜而家所擁有一切!| Mummy tips: Kit介紹大家試下,當小朋友冇啦啦發惡夢,可以嘗試叫小朋友繪畫出黎,再將佢放係一個好密實既盒仔內,令小朋友可以安心入睡! Lindsay 妹妹啟發佢用摺衫藍,可以好方便分門別類,不用重複再分類| Me time: Lindsay 最鍾意聽歌。特別係咖啡店或酒店lobby音樂playlist。一路洗碗,一路回味返那些年自由自在嘅日子!
詳情
多功能媽咪 第十八集
更新時間:11/11/2020
【又到心理輔導時間啦!】今集好開心我哋請到一個專業心理輔導顧問 - Matti (Innerhealth: 澳洲註冊 / 臨床心理治療師 /督導和導師),同我地一齊傾下小朋友飲食既煩惱!| Mummy tips: 當父母想發火時,Matti就教我地一個緊急舒緩情緒既呼吸方法!| Me time: Matti又建議每個人,其實都需要搵一樣興趣或者一樣活動,可以令自己有獨處既空間,去放鬆心情!
詳情
多功能媽咪 第十七集
更新時間:04/11/2020
【見到萬聖節骨架, 你又諗到啲乜嘢呢?】今集同大家傾下小朋友發燒既疑問! 到底係成長期既發骨節,定係身體出現毛病?| Mummy tips: Lindsay介紹比大家如何選擇有型又有款既Sports bra | Me time: Kit 最近網上訂左個流動式個人Spa機,可以好開心咁享受下蒸浴!Lindsay 回憶小時候父母聽過既歌,現今科技發達可以好容易上網搵得返,重回兒時既回憶。
詳情
多功能媽咪 第十六集
更新時間:29/10/2020
【爸爸的角度】今集請到第一位男嘉賓Steve, 同大家分享一下爸爸係一個家庭入面扮演乜野既角色!| Daddy tips: 今集好特別,要改為爸爸提示,Steve提議大家在家工作時,可以穿著公司牌子既衫,仲要同小朋友講明,當爸爸著左呢件衫就代表工作中,盡量唔好打憂!| Me time: Steve同其他爸爸一樣,最愛行Bunnings!
詳情
多功能媽咪 第十五集
更新時間:21/10/2020
【公立或私立學校好?】其實公立學校好定係私立學校都好,只要適合自己既小朋友就係最好!|Mummy tips: 天氣時晴時陰,洗完一大機衫都好難先乾晒,Lindsay教我地如何安全地用抽濕機抽衫!Kit就教大家快手煲個魚湯!| Me time: 思鄉病發,Lisdsay最愛搽妹妹介紹既英國品牌潤膚膏,令自己好似回到家人身邊一樣!
詳情
多功能媽咪 第十四集
更新時間:14/10/2020
【藝術當飯食?】:咁多人想學藝術,唔通個個都做到梵高咩!藝術同設計可以刺激小朋友眼睛對美感嘅訓練。|Mummy tips: 關節開始唔聽話,想搽膏係背脊又搽唔到,可以試下搵工具幫幫手!| Me time: 我地居然同步一齊追看同一套熱門美劇(Emily in Paris)
詳情
多功能媽咪 第十三集
更新時間:07/10/2020
虎媽話你知 ... 親子關係, 怎去維繫? :今集好開心請到Selina同我地分享,作為一個全職媽咪,亦係老虎型媽咪,咁小朋友跩,係咪真係唔惡唔得呢?|Mummy tips: 每個小朋友都應因材施教!| Me time: 追睇中文電視劇,順便比小朋友聽下中文,可能令佢地有興趣學習一下。
詳情
多功能媽咪 第十二集
更新時間:30/09/2020
轉天氣最頭痕。小朋友應該着乜嘢衫好?舖頭樣樣都有,莫非樣樣都要買齊?我哋今集分享吓自己買衫比小朋友嘅經驗。轉天氣經常會有咳同流鼻水,亦都分享吓可以煮乜嘢食乜嘢。| Mummy tips: Lindsay同你分享一個多功能媽咪亦都係一個多功能廚師。| Me time: 一個開心家庭唔單止媽咪有Me time。爸爸都需要Me time。大家怎樣去配合呢?
詳情
多功能媽咪 第十一集
更新時間:23/09/2020
今集好開心請到澳華療養基金CEO Ada 同我們一齊分享工作與多功能媽咪的旅程。原來做一個多功能媽咪,並非要放棄自己事業。反而在照顧小朋友的過程中,亦可以培養到很多技能,將自己再裝備好去面對另一個工作階段。| Mummy tips: Ada會將魚仔焗乾後磨成粉,再加入各種飯仔及粥仔內增加營養。(簡易版:將白飯魚連飯一齊煮,又快又有營養)| Me time: 當交通擠塞的時候,其實可以變成寶貴的me time。
詳情
多功能媽咪 第十集
更新時間:16/09/2020
【點樣去裝備自己準備做一個多功能媽咪? 】作為現代女性,都希望在工作上有點成就。如果有日決定生小朋友時,究竟會選擇早啲生小朋友先再係工作上拼搏? 定話等自己事業有成先至做媽咪呢? 相信各有既各好處,因為沒有正確與否,只係時機的問題!| 媽咪tips: 繁忙媽媽必備手機,可幫忙記錄鎖碎事情。用氣炸鍋炸羽衣甘藍🥬當作紫菜食。| Me time: Kit 覺得可以做節目就係最新的me time!Lindsay就覺得一個月做一次植眼睫毛係令自己最開心的事!
詳情
多功能媽咪 第九集
更新時間:09/09/2020
「中西文化學習的好與壞」:上集我地兩個問題媽媽太多問題問,所以今集多謝幼兒及家庭健康專科護士 Auntie Lorna 繼續同我地分享,有關0-5歲小孩在西方文化學習環境下,選擇合適教學方式給與小孩 | 仲有媽咪tips: 增強記憶力,可以陪伴小童(適合3-4歲小朋友)玩配對記憶卡 | Me time: Auntie Lorna送給自己女兒的貼心禮物,亦是送給自己的與孫兒的甜心時間
詳情
多功能媽咪 第八集
更新時間:02/09/2020
「原來玩都好有學問」今集好開心請到幼兒及家庭健康專科護士 Auntie Lorna 同我地分享,有關0-5歲小孩如何在遊戲中學習! | 仲有媽咪tips: Auntie Lorna建議購買玩具給小孩時的要訣,最好選擇相同年齡的玩具給與他們,比較安全!
詳情
多功能媽咪 第七集
更新時間:26/08/2020
「玩玩玩...玩到老豆姓乜都唔知 今集同大家分享玩之中都有野學到」 | Lindsay 話你知兒時在外國成長中,仍然能學會中文 | 阿Kit 同大家分享女兒由華人學習環境,坐定定上堂,轉到雪梨放羊式學習的過程 | 仲有媽咪tips: 原來睇卡通片都有其用途
詳情
多功能媽咪 第六集
更新時間:19/08/2020
訪問嘉賓彩虹姨姨(Rainbow):分析小朋友情緒問題,一般分三個階段:七至八個月左右,一歲半左右,同四至五歲左右,會做一啲小動作或行為,令我哋認為佢係頑皮。深入討論,其實會唔會有其他意思?
詳情
多功能媽咪 第五集
更新時間:13/08/2020
Lindsay同你分享乳癌同湊仔的路程 | 阿Kit大感冒,冇人冇物之下,依然要繼續做好媽咪本分 | 抱着輕鬆的心情,與你分享 | 仲有媽咪tips : 如何為自己加油
詳情
多功能媽咪 第四集
更新時間:05/08/2020
懷孕媽媽分享: 口罩正確帶法 | 懷孕飲食之中西大不同 媽咪tips: 如何由大水桶懷孕媽媽變身成靚媽 Me time: 簡單又有營養蒸蛋早餐 | 自制口罩
詳情
多功能媽咪 第三集
更新時間:04/08/2020
初生嬰兒至半歲小朋友飲食分享
詳情
多功能媽咪 第二集
更新時間:22/07/2020
詳情
多功能媽咪 第一集
更新時間:17/07/2020
詳情
更新時間: